Cruncher 2011 අපි සූදානම්! ඔබ සූදානම් ද?

 Cruncher 2011 කියන්නෙ මොකක්ද කියල මේ වෙනකොට හුඟ දෙනෙක් දන්නවා. නොදන්න අය Cruncher 2011 පලවුනු  ලිපිය මෙතැනින් කියවා බලන්න. Cruncher 2011 හි ප්‍රචාරණ කටයුතු අරඹා දැනට සතියක් පමණ වෙනවා. මේ කෙටි කාලය තුල ක්ෂේත්‍රයේ ප්‍රවීණයන්ගෙන් මෙන්ම පරිගණක ක්‍රීඩා පිළිබඳව උනන්දුව ඇති අයගෙන් ගොඩක් හොඳ ප්‍රතිචාර මේ සඳහා ලැබුනි. මෙය ලාංකේය පරිගණක ක්ෂේත්‍රයට නව ප්‍රවේශයක් ඇති කරන්න හේතු වනු ඇති බවයි බොහෝ දෙනාගේ අදහස.

මේ තරගාවලියේ විශේෂත්වය තමයි පරිගණක ක්‍රීඩා නිර්මාණය පිළිබඳ  අවබෝධයක් නොමැති අයෙකුට වුවද තරඟ වැදිය හැකි වීම .ඔබට උනන්දුව හා කැපවීම තිබේ නම් පරිගණක ක්‍රීඩා සරලව නිර්මාණය කල හැකි මෘදුකාංග ඕනෑ තරම් අන්තර්ජාලයෙන් සොයා ගත හැක. දැනට ලෝකයේ ප්‍රසිද්ධ Game Engines ලයිස්තුවක් විකිපීඩියා වලින් බලා ගත හැක. http://en.wikipedia.org/wiki/List_of_game_engines

ඊට අමතර මයික්‍රොසොෆ්ට් සමාගමේ Kodu,ජේමිස් බණ්ඩා වැනි ක්‍රීඩා නිර්මාණය කල FPS Creater, Game Maker, Unreal මෘදුකාංග සරලව, ඉතා සංකීර්ණ පරිගණක ක්‍රීඩා නිර්මාණය කල හැකි මෘදුකාංගයි.නමුත් මතක තබාගතයුතු විශේෂ කරුණක් වන්නේ විනිශ්චයේදී ක්‍රීඩාව නිර්මාණය කරන ලද මෘදුකාංගය කෙරෙහිද අවධානය යොමුවන බවයි.මක්නිසාදයත් අවසානයේදී ජයග්‍රාහකයා වියයුත්තේ ඔබ මිස ඔබ යොදා ගත් මෘදුකාංගය නොවන බැවිනි.

මා කලින් සඳහන් කල පරිදි Cruncher 2011 වලට සහභාගී වීමට පරිගණක ක්‍රීඩා නිර්මාණය පිළිබඳ අවබෝධය අවශ්‍ය වන්නේ නැහැ.Story Board තරඟ අංශය ඇත්තේ නිර්මාණශීලී ඔබ වෙනුවෙන්මයි. පරිගණක ක්‍රිඩාවක් සඳහා කතාවක් ලිවීමෙන් ඔබට මෙම තරඟ අංශයට සහභාගී විය හැකියි.මූලික කතාව,ක්‍රීඩාවේ ඇති චරිත, ඔවුන්ගේ චරිත ලක්ෂණ,හැකියාවන් හා නොහැකියාවන් Story Board එකට අඩංගු වියයුතුයි.
ශ්‍රී ලංකාවේ පරිගණක ක්ෂේත්‍රයේ  Cruncher 2011 හා එක්වීමට සුදානම්.මෙය ඔබගේ හැකියාවන් උරගා බැලීමට මෙන්ම ඔබගේ නිර්මාණ ජාත්‍යන්තර තලයට ගෙනයාමට මහඟු අවස්ථාවක් වනවා නොඅනුමානයි.නොපමාව Cruncher 2011 සඳහා ලියාපදිංචිවන්න.මුලින් ලියාපදිංචි වන්නන්ට වැඩමුළු වලට සහභාගී වීම සඳහා වැඩි අවස්ථා හිමිවේ.

Cruncher 2011  නිල වෙබ්අඩවිය : www.cruncher.lk
Cruncher 2011   නිල බ්ලොග්අඩවිය : http://ieslcruncher.blogspot.com/
Cruncher 2011  ෆේස්බුක් පිටුව : http://www.facebook.com/ieslcruncher
වැඩිවිස්තර සඳහා info@cruncher.lk ට ලියන්න